Bainvegni en il Museum naziunal a Turitg

Il Museum naziunal a Turitg è il museum cultural-istoric che vegn visità il pli savens en Svizra. Cun sia collecziun multifara permanenta na mussa el betg mo l’istorgia da la Svizra, mabain preschenta er diversas exposiziuns alternantas davart temas actuals. Il cumplex sa cumpona d’in edifizi istoric da construcziun fina che datescha da l’onn 1898 e d’in edifizi d’engrondiment sculptural ch’è vegnì inaugurà l’onn 2016. En la butia dal museum As spetgan pitschens souvenirs e classichers atemporals – mintgin cun sia atgna istorgia.

Las exposiziuns en il Museum naziunal stattan a disposiziun per il solit en tudestg, en franzos, en talian ed en englais.

La Svizra, pajais da linguas

15.09.2023-14.01.2024

Linguas n'èn betg mo in simpel med da communicaziun. Anzi, ellas determineschan noss mintgadi, èn part da la cultura, ans tutgan directamain, ans collian u ans separan d'autras persunas. En Svizra audan ins – ultra da las quatter linguas naziunalas – nundumbraivels dialects, accents, slangs ed er linguas da persunas immigradas. Il Museum naziunal maina las visitadras ed ils visitaders sin in viadi sensitiv tras las regiuns linguisticas svizras. Cun agid d'ina tecnica da sound interactiva vegnan ins a savair, co ch'ils precursurs da nossas linguas èn naschids, èn sa sviluppads vinavant u èn schizunt morts ora, co che novs cunfins linguistics e culturals èn resultads e co ch'ins è sa dispità e sa dispita anc oz per els. Enavos en il temp preschent sa deditgescha l'exposiziun a la diversitad linguistica dal mintgadi, nua che la lingua po esser tant resursa sco er obstachel u nua ch'ella na vegn mintgatant simplamain betg udida.

Maletg-clav da l'exposiziun «La Svizra, pajais da linguas» | © Museum naziunal svizzer

Puncts culminants dal Museum naziunal

Icon App

Il globus da Son Gagl, il tarpun d’allianza e la cuppetta d’aur dad Altstätten: La tura da puncts culminants en rumantsch maina las visitadras ed ils visitaders en 60 minutas tras il museum e tar ils objects che na dastgan betg vegnir manchentads a chaschun d’ina visita en il museum naziunal.

Vus pudais emprestar in apparat al welcome desk (5 francs) ubain chargiar giu l’app gratuit «Landesmuseum» sin Voss agen smartphone. 

App Store   Google Play   Huawei App Gallery

 

 

Istorgia da la Svizra

Sin ina surfatscha da 1000m2 descriva l’exposiziun permanenta davart l'istorgia da la Svizra il svilup da la Svizra durant 550 onns. Il gir tras ils tschientaners cumenza a la fin dal temp medieval e finescha cun las sfidas per las instituziuns democraticas dad oz. L'exposiziun inscenescha il passagi dal stadi federativ al stadi federal sco cumbat per appartegnientschas. Cun ristgar in sguard sin l'istorgia dal preschent surpassa ella plinavant in cunfin temporal ch'è savens in tabu per ils museums istorics.

Vus pudais emprestar in apparat al welcome desk (5 francs) ubain chargiar giu l’app gratuit «Landesmuseum» sin Voss agen smartphone. 

App Store   Google Play

Ideas da la Svizra

Las inscripziuns da l’exposiziun permanenta «Ideas da la Svizra» èn er avant maun en rumantsch. Ella dat invista da las istorgias che vegnan raquintadas davart e da la Svizra e che furman la cuminanza. Cun sfegliar en cudeschs interactivs u cun explorar in reliev dal Gottard tras Augmented Reality vegnan las visitadras ed ils visitaders a savair, co che quellas istorgias influenzeschan las identitads da la Svizra fin oz.

Blick in die Ausstellung "Ideen Schweiz"

Bigliets

Pretschs d’entrada

Creschids:   13 francs
Pretsch reducì:  

10 francs

Uffants e giuvenils fin 16 onns:    entrada gratuita


Compra de entradas online

Entrada gratuita

Exposiziun «Simplamain Turitg»
Giai per plaschair per Voss bigliet gratuit al welcome desk dal Museum naziunal.

Cun preschentar las suandantas cartas da commembranza retschavais Vus ina entrada gratuita en il museum:

  • Passaport dals museums svizzers
  • cartas da commembranza da la Raiffeisen
  • ZürichCARD
  • ICOM, ICOMOS, ASM
  • persunas cun ina permissiun N, S, B, F (fugitiva/fugitiv) u F (estra/ester)
  • SMS (Societad dals museums per automats da musica Seewen), WBS
  • Freunde Landesmuseum Zürich
  • commembras e commembers da l’Association des Amis du Château de Prangins
  • legitimaziun da pressa uffiziala

Giai per plaschair per Voss bigliet gratuit al welcome desk.

Profitai da cursa libra cun ils transports publics da la citad da Turitg e conturn, d’ina entrada libra en la plipart dals museums turitgais, d’in rabat sin visitas guidadas da la citad e d’ulteriurs rabats.

zuerich.com

Las entradas en il museum pudais Vus er cumprar tar il «Tourist Service» a la staziun principala da Turitg.

Tourist Service

Uras d'avertura

ma – me 10:00 - 17:00

gi 10:00 - 19:00

ve – du 10:00 - 17:00

Via d’access

Meds da transport publics

Cun il tren fin a la staziun principala Turitg. Il Museum naziunal da Turitg sa chatta gist daspera.

Cun il tram u cun il bus: fermadas «Bahnhofquai/HB» (lingias 4, 6, 11, 13, 14, 46) ubain «Bahnhofplatz» (lingias 3, 10, 14, 31).

Traffic privat

En direcziun da «Zürich City», lura da «Hauptbahnhof».

Parcadi: «Hauptbahnhof» (Sihlquai 41), «Urania» (Uraniastrasse 3).

Ulteriuras infurmaziuns en tudestg u talian

Aziun da participaziun

Ina acziun da participaziun speziala per gronds e pitschens ha dà l'occasiun da far part dal giubileum: En il curt intern nus ha format ensemen il logo dal museum naziunal e l'hem tenì sin ina fotografia per l'eternità. Grazia fitg a tuts ils voluntaris che han participà!