Sgrafit cun dragun e Melusina, Cinuos-chel (GR)

La ditga da Melusina è naschida l'entschatta dal 15avel tschientaner. Melusina, che sa mida mintga sonda en ina serp, marida Raymond de Poitiers sut ina cundiziun: el na la dastga mai vesair la sonda. El rumpa il tabu e Melusina svanescha sco dragun sgulant.

Foto: Christian & Hans Meisser © Fototeca dal DRG

Maletgs da ditgas alpinas, La poppa da la pastriglia, Hans Jörg Leu, 2020

Da spira lungurella e levsenn zambregian ils pasters ina poppa. Els pavlan ella cun chaschiel e groma, giogan e baterlan cun ella – e maldovran ella. Nunspetgadamain daventa la poppa viva. Ella prenda vendetga d'in dals signuns, mazza el e rasa ora sia pel sin il tetg.

© Hans Jörg Leu, Baden

Las strias fan l'aura, Michael Greyff, 1489

La cardientscha en il striegn da l'aura tanscha lunsch enavos ed è in punct d'accusaziun frequent er en ils process da strias dal 15avel fin 18avel tschientaner. En las ditgas dals pajais alpins è la stria da l'aura responsabla per lavinas, bovas, crudadas da crappa u torrents che van suror.

ALBERTINA, Vienna

Tapeta che represchenta la Punt dal Diavel, ca. 1820 – 1825

Ditgas da punts dal diavel datti en l'entir territori europeic. Per il solit vul il diavel in'olma per ses servetschs. Qua cugliunan ils Uranais il diavel cun chatschar in buc-chaura sur la punt, uschia ch'il diavel survegn mo l'olma da quel.

Museum naziunal svizzer

Vue du fameux Pont du Diable, Christian von Mechel (1737 – 1817), ca. 1790

La Punt dal Diavel era er in motiv popular da maletgs da cuntradas destinads ad in public turistic. La gronda impurtanza dal Gottard sco via da traffic sa mussa en numerusas represchentaziuns da quella cuntrada.

Museum naziunal svizzer

Tagls da siluetta cun scenas da l'istorgia da Tell, 1820 – 1830

La ditga d'in tiradur che demonstrescha sia independenza d'in regent cun in sajet sin il mail, è derasada oriundamain surtut en l'Europa dal Nord e sin las Inslas Britannicas. Sut il num Guglielm Tell cumpara la ditga per l'emprima giada en Svizra en il «Cudesch alv da Sarnen» e daventa cun il drama da Schiller dal 1804 enconuschenta sur il territori germanofon ora.

Museum naziunal svizzer

Carta postala, Salids da la Punt dal Diavel, 1904

Da la ditga da la Punt dal Diavel datti differentas variaziuns. En intginas vegn il buc-chaura remplazzà tras in chaun ch'ins carmala cun in toc charn sur la punt.

Museum naziunal svizzer

Sennentuntschi

Das bisher einzige bekannte reale Sennentuntschi stammt aus dem Maiensäss Masciadon im Calancatal. Die Figur besteht aus Holz, Stoff und Haar und ist 40 cm hoch. 1986 kam es in die Sammlung des Rätischen Museums in Chur.

Museum naziunal svizzer

Sguard en l'exposiziun.

Museum naziunal svizzer

Sguard en l'exposiziun.

Museum naziunal svizzer

Sguard en l'exposiziun.

Museum naziunal svizzer

Sguard en l'exposiziun.

Museum naziunal svizzer

Sguard en l'exposiziun.

Museum naziunal svizzer