Hozindi posseda circa mincha giuvenil ed eir blers creschüts airpods. Airpods sun uragliers chi’s po colliar cul telefonin sur bluetooth. Culs airpods as poja tadlar musica, messagis vocals da WhatsApp, verer filmins sün TikTok, Instagram o Netflix e dafatta telefonar. Il special vi da quists uragliers es, che’ls nun han ingün cabel. Quai es fich pratic, però cun quai cha’ls airpods sun be pitschens poja dar chi van svelt a perder. Perquai daja sül telefonin üna funcziun per tils localisar.